16 жніўня, Мінск /Кар. БЕЛТА/. 93,5 тыс. шматдзетных сем'яў ужо атрымалі дапамогу на падрыхтоўку дзяцей да навучальнага года. Аб гэтым карэспандэнту БЕЛТА паведамілі ў прэс-службе Міністэрства працы і сацыяльнай абароны.
У ведамстве расказалі, што ва ўсіх рэгіёнах рэспублікі аднаразовую матэрыяльную дапамогу на падрыхтоўку дзяцей да школы атрымалі ўжо 93,5 тыс. шматдзетных сем'яў на 189 тыс. дзяцей. Агульная сума выплат склала Br24,5 млн.
Аднаразовая матэрыяльная дапамога прадастаўляецца незалежна ад даходу сям'і. Памер дапамогі складае Br129,9 руб. на кожнага школьніка ў сям'і.
Фінансавая дапамога на падрыхтоўку да школы аказваецца таксама ў выглядзе аднаразовай або штомесячнай сацыяльнай дапамогі ў рамках дзяржаўнай адраснай сацыяльнай дапамогі. Такую дапамогу ўжо атрымалі амаль 1,5 тыс. сем'яў на 4 тыс. дзяцей у суме Br3,3 млн. Памер выплат вызначаюць раённыя камісіі ў кожным выпадку індывідуальна зыходзячы з даходу сям'і і канкрэтнай жыццёвай сітуацыі.
Бацькам школьнікаў можа быць аказана дапамога і па месцы працы за кошт сродкаў прафсаюзных арганізацый або сродкаў наймальнікаў. Такую дапамогу атрымалі 12 тыс. сем'яў на 22,3 тыс. дзяцей (сума - больш як Br2,5 млн).
Акрамя таго, традыцыйна па ўсёй краіне праходзяць дабрачынныя акцыі, кірмашы, арганізаваныя тэрытарыяльнымі цэнтрамі сацыяльнага абслугоўвання насельніцтва, дабрачыннымі фондамі, грамадскімі аб'яднаннямі, рэлігійнымі арганізацыямі з мэтай аказання падтрымкі сем'ям з дзецьмі. Гэты від дапамогі аказаны 3,6 тыс. сем'яў на 8,9 тыс. дзяцей на суму Br212,1 тыс.
Усяго рознага віду дапамога сем'ям на падрыхтоўку дзяцей да навучальнага года аказана на суму Br30,7 млн рублёў. Работа па аказанні гэтай дапамогі прадаўжаецца.-0-
