24 жніўня, Мінск /Кар. БЕЛТА/. Баранавіцкі аўтаагрэгатны завод прадставіў апошнія распрацоўкі аўтакампанентаў для грузавой і пасажырскай тэхнікі на міжнароднай выстаўцы запчастак, аўтакампанентаў, абсталявання і тавараў для тэхнічнага абслугоўвання аўтамабіляў MIMS Automobility Moscow, паведамілі БЕЛТА ў прэс-службе ААТ "МАЗ" - УКХ "БЕЛАЎТАМАЗ".
Спецыялісты прадпрыемства кансультуюць наведвальнікаў выстаўкі па любым тэхнічным пытанні.
Выстаўка размешчана ў ЦВК "Экспацэнтр" і прадоўжыцца па 24 жніўня.
ААТ "Баранавіцкі аўтаагрэгатны завод" уваходзіць у холдынг "БЕЛАЎТАМАЗ". Прадпрыемства спецыялізуецца на вытворчасці вузлоў і дэталей да велікагрузных аўтамабіляў, аўтобусаў, прычэпаў, тралейбусаў, чыгуначнага транспарту.-0-
