30 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка ставіць перад айчыннай мікраэлектроннай прамысловасцю задачу бегчы на паўкроку наперадзе, вырабляючы запатрабаваную ў свеце прадукцыю. Аб гэтым ён заявіў пры наведванні ААТ "Планар", якое працуе ў сферы мікраэлектроннай прамысловасці і з'яўляецца адным з лідараў у гэтай галіне, паведамляе БЕЛТА.
"Гэта будучыня", - падкрэсліў кіраўнік дзяржавы.
"Калі ты не адстанеш, у цябе заўсёды будзе работа і вялікія грошы. Не толькі нашы, - сказаў Аляксандр Лукашэнка генеральнаму дырэктару ААТ "Планар" Сяргею Авакаву. - Ты апярэдзіў усё і ўся. І ў Беларусі, і ў Расіі. Ты ўсіх апярэдзіў".
Прэзідэнт адзначыў, што ў Беларусі ўдалося захаваць тыя вытворчасці, якія засталіся пасля Савецкага Саюза. Больш таго, дзякуючы дапамозе, аказанай у свой час дзяржавай, прадпрыемствы, якія засталіся з савецкіх часоў, удалося мадэрнізаваць і зрабіць перадавымі. У сувязі з гэтым Аляксандр Лукашэнка падзяліўся ўспамінамі пра свой першы візіт на "Інтэграл".
"Тады наогул грошай не было, і ўсім трэба было (дапамагчы. - Заўвага БЕЛТА). Я разумеў, што, калі былі б грошы, мы рванулі б. Што тады мяне падштурхнула? Хутчэй за ўсё, інтуіцыя. "Інтэгралу" дапамаглі, - сказаў кіраўнік дзяржавы. - І наш час прыйшоў. Мы не дарэмна ўкладвалі грошы. Тое, аб чым людзі ў савецкі перыяд марылі (тыя, хто закладваў гэту аснову), мары гэтыя пачалі здзяйсняцца".
Аляксандр Лукашэнка падкрэсліў, што ў сферы мікраэлектроннай прамысловасці трэба і далей "бегчы на паўкроку наперадзе і выдаваць прадукцыю, запатрабаваную ва ўсім свеце".
На "Планары" кіраўніку дзяржавы далажылі аб выніках работы прадпрыемства за пяць гадоў і перспектывах развіцця на бліжэйшыя гады.
У ААТ "Планар" запускаецца Цэнтр спецтэхналагічнага абсталявання для вытворчасці фоташаблонаў і мікраоптыкі. Гэта адзіны на тэрыторыі краін былога СССР комплекс, які дазваляе выпускаць вырабы тэхналагічнага ўзроўню 90 нм, крытычна неабходныя для стварэння перадавых узораў абсталявання электроннага машынабудавання.
Усе падрыхтоўчыя, праектныя і будаўніча-мантажныя работы былі выкананы ў максімальна сціслыя тэрміны, за кошт чаго ўдалося завяршыць стварэнне цэнтра на 2 гады раней за запланаваны тэрмін.
Па выніках выканання ўсіх работ у інжынерна-лабараторным корпусе створаны Цэнтр спецтэхналагічнага абсталявання для вытворчасці вырабаў мікраоптыкі і фоташаблонаў. Кампетэнцыямі па распрацоўцы і стварэнні такога абсталявання валодаюць толькі некалькі краін у свеце: ЗША, Японія, асобныя краіны Еўрасаюза. Пры гэтым лінейка абсталявання для бездэфектнага вырабу фоташаблонаў, размешчаная ў цэнтры, з'яўляецца ўнікальнай, паколькі ніводная дзяржава ў свеце не валодае кампетэнцыямі па распрацоўцы і вырабе ўсёй наменклатуры лазернага абсталявання электроннага машынабудавання, неабходнай для арганізацыі тэхналагічнага працэсу вытворчасці фоташаблонаў.
З улікам перспектыў развіцця, у цэнтра ёсць патэнцыял для далейшага пераходу да больш нізкіх праектных норм - 65 нм, для чаго плануецца дааснасціць вытворчасць.-0-
"Гэта будучыня", - падкрэсліў кіраўнік дзяржавы.
"Калі ты не адстанеш, у цябе заўсёды будзе работа і вялікія грошы. Не толькі нашы, - сказаў Аляксандр Лукашэнка генеральнаму дырэктару ААТ "Планар" Сяргею Авакаву. - Ты апярэдзіў усё і ўся. І ў Беларусі, і ў Расіі. Ты ўсіх апярэдзіў".
Прэзідэнт адзначыў, што ў Беларусі ўдалося захаваць тыя вытворчасці, якія засталіся пасля Савецкага Саюза. Больш таго, дзякуючы дапамозе, аказанай у свой час дзяржавай, прадпрыемствы, якія засталіся з савецкіх часоў, удалося мадэрнізаваць і зрабіць перадавымі. У сувязі з гэтым Аляксандр Лукашэнка падзяліўся ўспамінамі пра свой першы візіт на "Інтэграл".
"Тады наогул грошай не было, і ўсім трэба было (дапамагчы. - Заўвага БЕЛТА). Я разумеў, што, калі былі б грошы, мы рванулі б. Што тады мяне падштурхнула? Хутчэй за ўсё, інтуіцыя. "Інтэгралу" дапамаглі, - сказаў кіраўнік дзяржавы. - І наш час прыйшоў. Мы не дарэмна ўкладвалі грошы. Тое, аб чым людзі ў савецкі перыяд марылі (тыя, хто закладваў гэту аснову), мары гэтыя пачалі здзяйсняцца".
Аляксандр Лукашэнка падкрэсліў, што ў сферы мікраэлектроннай прамысловасці трэба і далей "бегчы на паўкроку наперадзе і выдаваць прадукцыю, запатрабаваную ва ўсім свеце".На "Планары" кіраўніку дзяржавы далажылі аб выніках работы прадпрыемства за пяць гадоў і перспектывах развіцця на бліжэйшыя гады.
У ААТ "Планар" запускаецца Цэнтр спецтэхналагічнага абсталявання для вытворчасці фоташаблонаў і мікраоптыкі. Гэта адзіны на тэрыторыі краін былога СССР комплекс, які дазваляе выпускаць вырабы тэхналагічнага ўзроўню 90 нм, крытычна неабходныя для стварэння перадавых узораў абсталявання электроннага машынабудавання.
Усе падрыхтоўчыя, праектныя і будаўніча-мантажныя работы былі выкананы ў максімальна сціслыя тэрміны, за кошт чаго ўдалося завяршыць стварэнне цэнтра на 2 гады раней за запланаваны тэрмін.Па выніках выканання ўсіх работ у інжынерна-лабараторным корпусе створаны Цэнтр спецтэхналагічнага абсталявання для вытворчасці вырабаў мікраоптыкі і фоташаблонаў. Кампетэнцыямі па распрацоўцы і стварэнні такога абсталявання валодаюць толькі некалькі краін у свеце: ЗША, Японія, асобныя краіны Еўрасаюза. Пры гэтым лінейка абсталявання для бездэфектнага вырабу фоташаблонаў, размешчаная ў цэнтры, з'яўляецца ўнікальнай, паколькі ніводная дзяржава ў свеце не валодае кампетэнцыямі па распрацоўцы і вырабе ўсёй наменклатуры лазернага абсталявання электроннага машынабудавання, неабходнай для арганізацыі тэхналагічнага працэсу вытворчасці фоташаблонаў.
З улікам перспектыў развіцця, у цэнтра ёсць патэнцыял для далейшага пераходу да больш нізкіх праектных норм - 65 нм, для чаго плануецца дааснасціць вытворчасць.-0-
