15 кастрычніка, Мінск /Кар. БЕЛТА/. "Белпошта" ў Тыдзень бацькоўскай любові 18 кастрычніка правядзе акцыю "Павіншуем тату поштай!", паведамілі БЕЛТА на прадпрыемстве.
Можна будзе бясплатна перасылаць простыя паштоўкі ў любы населены пункт краіны. Іх трэба набыць у месцах правядзення акцыі - адрасы размешчаны на сайце "Белпошты".
У Мінску акцыя будзе праходзіць у сталічным паштамце (пр. Незалежнасці, 10) з 10.00 да 12.00 і з 17.00 да 19.00 і ў аддзяленні паштовай сувязі нумар 60 (вул. Вакзальная, 22) з 17.00 да 19.00.
Дзень бацькі адзначаецца ў рэспубліцы 21 кастрычніка. Гэта дата выбрана для святкавання не выпадкова - у Беларусі склалася шматгадовая традыцыя адзначаць 14 кастрычніка Дзень маці. З 14 па 21 кастрычніка ў рэспубліцы праводзіцца Тыдзень бацькоўскай любові.-0-
