25 верасня, Мінск /Кар. БЕЛТА/. Павінна быць дадатная дынаміка работы выканаўчай улады. Такі пункт гледжання выказаў журналістам Уладзімір Бялоў, які сёння ўзгоднены на пасаду старшыні Івацэвіцкага райвыканкама, перадае карэспандэнт БЕЛТА.
"Івацэвіцкі раён і прамысловы, і сельскагаспадарчы, тут моцна развіта дрэваапрацоўка", - звярнуў увагу ён.
"Дробязей у рабоце быць не павінна, трэба звяртаць увагу на ўсё, у тым ліку на сацыяльную сферу, - перакананы новы старшыня райвыканкама. - Сёння галоўнае - павышаць якасць жыцця ўсяго насельніцтва незалежна гарадское або сельскае".
У сферы дрэваапрацоўкі, паводле яго слоў, важны пошук новых рынкаў збыту, паляпшэнне якасці выпускаемай прадукцыі.
"У сельскай гаспадарцы таксама важна паляпшэнне якасных паказчыкаў, надояў, прыбаўлення ў вазе, а таксама культуры земляробства", - сказаў Уладзімір Бялоў.
Ён таксама звярнуў увагу на стварэнне належных умоў працы для працаўнікоў: "Важна, каб чалавек з задавальненнем хадзіў на работу і атрымліваў адпаведную дастойную зарплату. На гэта трэба звяртаць асаблівую ўвагу".-0-
