1 лістапада, Мінск /Кар. БЕЛТА/. Новыя памеры бюджэту пражытачнага мінімуму ў сярэднім на душу насельніцтва і па асноўных сацыяльна-дэмаграфічных групах устаноўлены на перыяд з 1 лістапада 2022 года па 31 студзеня 2023 года. Гэта прадугледжана пастановай Міністэрства працы і сацыяльнай абароны ад 24 кастрычніка 2022 года нумар 60, паведамляе БЕЛТА.
БПМ у сярэднім на душу насельніцтва ўстаноўлены ў памеры Br339,83 (з 1 жніўня па 31 кастрычніка 2022 года - Br328,5).
Па асноўных сацыяльна-дэмаграфічных групах зацверджаны наступныя памеры БПМ: працаздольнае насельніцтва - Br375,26 (раней - Br366,23); пенсіянеры - Br255,28 (раней - Br247,21); дзеці ва ўзросце да трох гадоў - Br215,93 (раней - Br204,8); дзеці ва ўзросце ад трох да шасці гадоў - Br298,21 (раней - Br284,60); дзеці ва ўзросце ад шасці да васямнаццаці гадоў - Br363,28 (раней - Br350,06).
Пры гэтым прапарцыянальна росту БПМ зменяцца і памеры дзярждапамог сем'ям, якія выхоўваюць дзяцей; павышэнняў да пенсій, якія прадугледжаны для асобных катэгорый пенсіянераў; даплат і надбавак пенсіянерам ва ўзросце 75 гадоў і старэйшым, якія атрымліваюць пенсіі ў органах па працы, занятасці і сацыяльнай абароне; дапамог па доглядзе інваліда I групы або асобы, якая дасягнула 80-гадовага ўзросту; сацыяльных пенсій. Гэтыя выплаты павялічыліся адпаведна росту БПМ на 3,4 працэнта.-0-
