Больш як мільён школьнікаў, у тым ліку 110 тыс. першакласнікаў, сядуць за парты 1 верасня, паведаміла намеснік начальніка галоўнага ўпраўлення агульнай сярэдняй, дашкольнай і спецыяльнай адукацыі - начальнік упраўлення агульнай сярэдняй адукацыі Міністэрства адукацыі Ірына Каржова ў праекце БЕЛТА "Краіна гаворыць".
"За парты сядуць звыш мільёна вучняў, з іх 110 тыс. першакласнікаў. Агульная колькасць вучняў застанецца на ўзроўні мінулага навучальнага года (у мінулым годзе было 1085 тыс. вучняў)", - сказала Ірына Каржова.
Свае дзверы 1 верасня расчыняць 2865 устаноў агульнай сярэдняй адукацыі. Уводзяцца дзве новыя школы: адна ў Гродне на 1020 месцаў і адна ў аграгарадку Сеніца на 720 месцаў. Полацкае кадэцкае вучылішча пераедзе ў абноўлены будынак з новай вучэбна-матэрыяльнай базай.
Ірына Каржова таксама спынілася на метадычным забеспячэнні адукацыйнага працэсу. Паводле яе слоў, Міністэрства адукацыі падрыхтавала ўсю неабходную вучэбна-метадычную літаратуру ў дапамогу педагогам. "Мы падрыхтавалі інструктыўна-метадычныя пісьмы, у якіх дадзены ўсе растлумачэнні па рабоце з вучэбнымі праграмамі, падручнікамі", - сказала яна.
Праект створаны за кошт сродкаў мэтавага збору на вытворчасць нацыянальнага кантэнту.
