21 кастрычніка, Мінск /Кар. БЕЛТА/. Больш за 1 тыс. снегаўборачных машын у Брэсцкай вобласці гатовы да зімы. Аб гэтым у праекце БЕЛТА "Краіна гаворыць" расказаў начальнік упраўлення жыллёва-камунальнай гаспадаркі Брэсцкага аблвыканкама Андрэй Жук.
Работы па падрыхтоўцы да зімы прадаўжаюцца, адзначыў Андрэй Жук. "У цэлым падрыхтавана 1070 адзінак рознай снегаўборачнай тэхнікі. Нарыхтавана 55 тыс. т пясчана-салянай сумесі і 35 тыс. т салянай сумесі. Усе прадпрыемствы - як дарожнікі, так і камунальнікі вобласці аснашчаны неабходным інвентаром. Мы гатовы", - падкрэсліў ён.
Паводле яго слоў, у рэгіёне, як і па ўсёй краіне, у мінулым годзе было некалькі дзён снежных завалаў. "Тады ўсё было зладжана і людзі самі чысцілі снег, у тым ліку аўтааматары і нават дзеці, таму што ім самім цікава ў гурбах пагуляць. Дапамагаюць пры завалах і прадпрыемствы - расчышчаюць магістральныя вуліцы, тратуары, праезды. А ўжо камунальнікі расчышчаюць дваровыя тэрыторыі, выхады з пад'ездаў", - расказаў Андрэй Жук.
*Праект створаны за кошт сродкаў мэтавага збору на вытворчасць нацыянальнага кантэнту.
