20 студзеня, Мінск /Кар. БЕЛТА/. Федэрацыя прафсаюзаў Беларусі правяла больш за 1,6 тыс. дабрачынных акцый і ўручыла сотні тысяч падарункаў для дзяцей у рамках акцыі "Прафсаюзы - дзецям", паведамілі БЕЛТА ў прэс-службе ФПБ.
Традыцыйна ў перыяд навагодніх і калядных свят прафсаюзныя арганізацыі па ўсёй краіне праводзяць мноства мерапрыемстваў у рамках акцыі "Прафсаюзы - дзецям". Гэта правядзенне акцый для выхаванцаў розных дзіцячых устаноў, уручэнне падарункаў дзецям работнікаў - членаў прафсаюзаў, арганізацыя святочных навагодніх паказаў.
Прафсаюзамі праведзена больш за 1,6 тыс. дабрачынных мерапрыемстваў па аказанні дапамогі дзіцячым інтэрнатным установам, у якіх выхоўваюцца дзеці-сіроты і дзеці, якія засталіся без апекі бацькоў, дзеці-інваліды, дзеці з асаблівасцямі псіхафізічнага развіцця, а таксама ўстановам аховы здароўя і адукацыі, фондам і асацыяцыям, што працуюць з хворымі дзецьмі і шматдзетнымі сем'ямі. Прадстаўнікі прафсаюзаў не толькі сустрэліся з дзецьмі і арганізавалі яркія навагоднія віншаванні, але і ўручылі ім падарункі. Гэта кандытарскія вырабы, розныя гульні, кнігі, прадметы адзення і многае іншае.
Акрамя таго, прафсаюзнымі арганізацыямі аказана бязвыплатная (спонсарская) дапамога на ўмацаванне матэрыяльна-тэхнічнай базы гэтых арганізацый (пералічаны грашовыя сродкі, уручаны сертыфікаты, набыты музычныя інструменты, бытавая і камп'ютарная тэхніка, спартыўны інвентар, пасцельныя прыналежнасці, цацкі, кнігі).
Таксама практычна ў кожнай пярвічнай прафсаюзнай арганізацыі прадоўжана традыцыя віншавання дзяцей работнікаў арганізацый. У цэлым навагоднія падарункі атрымалі больш за 700 тыс. дзяцей работнікаў арганізацый - членаў прафсаюзаў. А ў навагодніх паказах, арганізаваных прафсаюзамі ва ўсіх рэгіёнах, прынялі ўдзел звыш 350 тыс. дзяцей. Пры гэтым асаблівая ўвага ў час правядзення такіх мерапрыемстваў была ўдзелена дзецям са шматдзетных, няпоўных, малазабяспечаных сем'яў. Напрыклад, Федэрацыя прафсаюзаў правяла напярэдадні Новага года ў Палацы культуры прафсаюзаў дабрачыннае свята для выхаванцаў дзіцячых інтэрнатных устаноў, дзяцей са шматдзетных, няпоўных, малазабяспечаных, апякунскіх, прыёмных сем'яў і дзяцей-інвалідаў.
Усяго ў ім прынялі ўдзел каля 500 хлопчыкаў і дзяўчынак. Для маленькіх гасцей былі падрыхтаваны тэатралізаваны паказ і інтэрактыўныя мерапрыемствы з Дзедам Марозам, Снягурачкай і іншымі казачнымі персанажамі. Кожнае дзіця атрымала вялікі салодкі падарунак.
У цэлым на правядзенне святочных навагодніх мерапрыемстваў для дзяцей прафсаюзамі ўсёй краіны было накіравана звыш Br38,6 млн.
Дабрачынная акцыя "Прафсаюзы - дзецям" праводзіцца Федэрацыяй прафсаюзаў Беларусі ўжо больш за 20 гадоў з мэтай праяўлення ўвагі і клопату аб дзецях, аказання ім дапамогі і ўсебаковай падтрымкі. Акрамя навагодняга этапу акцыі прафсаюзы аказваюць дапамогу сем'ям пры падрыхтоўцы дзяцей да новага навучальнага года, у летнюю аздараўленчую кампанію, да Дня абароны дзяцей. Круглы год дапамога аказваецца і сем'ям, якія па тых ці іншых прычынах знаходзяцца ў складанай жыццёвай сітуацыі.-0-
Традыцыйна ў перыяд навагодніх і калядных свят прафсаюзныя арганізацыі па ўсёй краіне праводзяць мноства мерапрыемстваў у рамках акцыі "Прафсаюзы - дзецям". Гэта правядзенне акцый для выхаванцаў розных дзіцячых устаноў, уручэнне падарункаў дзецям работнікаў - членаў прафсаюзаў, арганізацыя святочных навагодніх паказаў.
Прафсаюзамі праведзена больш за 1,6 тыс. дабрачынных мерапрыемстваў па аказанні дапамогі дзіцячым інтэрнатным установам, у якіх выхоўваюцца дзеці-сіроты і дзеці, якія засталіся без апекі бацькоў, дзеці-інваліды, дзеці з асаблівасцямі псіхафізічнага развіцця, а таксама ўстановам аховы здароўя і адукацыі, фондам і асацыяцыям, што працуюць з хворымі дзецьмі і шматдзетнымі сем'ямі. Прадстаўнікі прафсаюзаў не толькі сустрэліся з дзецьмі і арганізавалі яркія навагоднія віншаванні, але і ўручылі ім падарункі. Гэта кандытарскія вырабы, розныя гульні, кнігі, прадметы адзення і многае іншае.
Акрамя таго, прафсаюзнымі арганізацыямі аказана бязвыплатная (спонсарская) дапамога на ўмацаванне матэрыяльна-тэхнічнай базы гэтых арганізацый (пералічаны грашовыя сродкі, уручаны сертыфікаты, набыты музычныя інструменты, бытавая і камп'ютарная тэхніка, спартыўны інвентар, пасцельныя прыналежнасці, цацкі, кнігі).
Таксама практычна ў кожнай пярвічнай прафсаюзнай арганізацыі прадоўжана традыцыя віншавання дзяцей работнікаў арганізацый. У цэлым навагоднія падарункі атрымалі больш за 700 тыс. дзяцей работнікаў арганізацый - членаў прафсаюзаў. А ў навагодніх паказах, арганізаваных прафсаюзамі ва ўсіх рэгіёнах, прынялі ўдзел звыш 350 тыс. дзяцей. Пры гэтым асаблівая ўвага ў час правядзення такіх мерапрыемстваў была ўдзелена дзецям са шматдзетных, няпоўных, малазабяспечаных сем'яў. Напрыклад, Федэрацыя прафсаюзаў правяла напярэдадні Новага года ў Палацы культуры прафсаюзаў дабрачыннае свята для выхаванцаў дзіцячых інтэрнатных устаноў, дзяцей са шматдзетных, няпоўных, малазабяспечаных, апякунскіх, прыёмных сем'яў і дзяцей-інвалідаў.
Усяго ў ім прынялі ўдзел каля 500 хлопчыкаў і дзяўчынак. Для маленькіх гасцей былі падрыхтаваны тэатралізаваны паказ і інтэрактыўныя мерапрыемствы з Дзедам Марозам, Снягурачкай і іншымі казачнымі персанажамі. Кожнае дзіця атрымала вялікі салодкі падарунак.
У цэлым на правядзенне святочных навагодніх мерапрыемстваў для дзяцей прафсаюзамі ўсёй краіны было накіравана звыш Br38,6 млн.
Дабрачынная акцыя "Прафсаюзы - дзецям" праводзіцца Федэрацыяй прафсаюзаў Беларусі ўжо больш за 20 гадоў з мэтай праяўлення ўвагі і клопату аб дзецях, аказання ім дапамогі і ўсебаковай падтрымкі. Акрамя навагодняга этапу акцыі прафсаюзы аказваюць дапамогу сем'ям пры падрыхтоўцы дзяцей да новага навучальнага года, у летнюю аздараўленчую кампанію, да Дня абароны дзяцей. Круглы год дапамога аказваецца і сем'ям, якія па тых ці іншых прычынах знаходзяцца ў складанай жыццёвай сітуацыі.-0-
