28 сакавіка, Мінск /Кар. БЕЛТА/. Вырашальны этап розыгрышу Кубка Беларусі па гандболе сярод жаночых каманд сёння стартуе ў Брэсце, паведамляе карэспандэнт БЕЛТА.
У першым паўфінальным матчы на пляцоўцы спарткомплексу "Вікторыя" ўладальніцы Кубка пяці апошніх сезонаў гандбалісткі "Гомеля" сустрэнуцца з гродзенскай "Гараднічанкай". Затым "БНТУ-БелАЗ" будзе сапернічаць з гаспадаром "Фіналу чатырох" брэсцкім клубам "Вікторыя-Бярэсце".
Пераможцы сённяшніх сустрэч заўтра згуляюць у вырашальным паядынку за галоўны трафей, а прайграўшыя паспрачаюцца за трэцяе месца.
Гандбалісткі "БНТУ-БелАЗа" 16 разоў выйгравалі Кубак Беларусі, у "Гомеля" 8 перамог, двойчы трафей брала "Гараднічанка".
У мужчын "Фінал чатырох" пройдзе 22-23 мая ў мінскім спарткомплексе "Уручча".-0-
