7 лютага, Мінск /Кар. БЕЛТА/. У Мінску стартаваў вырашальны этап чэмпіянату Беларусі па індорхакеі, паведамляе карэспандэнт БЕЛТА.
Першым фіналістам мужчынскага турніру стаў фіналіст мінулага першынства брэсцкі "Будаўнік", які ўпэўнена абыграў бронзавага прызёра зборную Гомельскай вобласці з лікам 10:4. Сапернік брастаўчан па заўтрашнім фінале вызначыцца пасля сустрэчы дзеючых чэмпіёнаў спартсменаў ХК "Мінск" і другой камандай сталічнага клуба.
У спаборніцтвах жаночых каманд цяперашнія чэмпіёнкі краіны спартсменкі гродзенскага "Рытма" сустрэнуцца з ХК "Мінск", а ўладальнік сярэбраных медалёў баранавіцкі "Тэкстыльшчык" згуляе з "Вікторыяй" са Смалявіч.
Пераможцы паўфінальных баталій 8 лютага пазмагаюцца ў матчах за чэмпіёнскі тытул, а тыя, хто прайграў, разыграюць бронзавыя ўзнагароды. Медальныя серыі пройдуць да дзвюх перамог адной з каманд. Пачатак спаборніцтваў у 10.00, уваход на трыбуны свабодны.-0-
