17 сакавіка, Мінск /Кар. БЕЛТА/. Прадпрыемствы Міністэрства архітэктуры і будаўніцтва карыстаюцца папулярнасцю сярод прамысловых турыстаў і займаюць трэцяе месца па запатрабаванасці пасля арганізацый Міністэрства прамысловасці і канцэрна "Белдзяржхарчпрам", расказалі карэспандэнту БЕЛТА ў ведамстве.
У Беларусі адзначаецца значны рост папулярнасці прамысловага турызму. У 2024 годзе разнапрофільныя прадпрыемствы наведалі амаль 267 тыс. турыстаў, што на трэць больш, чым у 2023-м. У прыватнасці, на прадпрыемствах Мінбудархітэктуры - РУВП "Граніт" і на шклозаводзе "Нёман" - у мінулым годзе пабывалі 48,6 тыс. турыстаў. Дарэчы, большай папулярнасцю карыстаюцца толькі прадпрыемствы Міністэрства прамысловасці і канцэрна "Белдзяржхарчпрам".
Так, у 2024 годзе на шклозаводзе "Нёман" прынялі ў рамках прамысловага турызму амаль 38,4 тыс. наведвальнікаў і 370 гасцей па лініі прафарыентацыйнай работы. Для параўнання: на год раней агульная колькасць прамысловых турыстаў на прадпрыемстве склала больш за 33,6 тыс. А на РУВП "Граніт" у мінулым годзе пабывалі 8760 турыстаў. Гасцей знаёмяць з тэхналагічным працэсам работы гранітнага кар'ера "Мікашэвічы" і гісторыяй прадпрыемства, у турыстычную праграму ўваходзіць наведванне музея і экскурсія на назіральную пляцоўку.-0-
