22 мая, Мінск /Кар. БЕЛТА/. Прафілактычная акцыя "Дэкада кібербяспекі "Кібердзеці" пройдзе ў Беларусі з 23 мая па 1 чэрвеня, паведамілі БЕЛТА ў МУС.
Праваахоўнікі правядуць комплекс мерапрыемстваў па інфармаванні насельніцтва аб метадах і спосабах падману непаўналетніх, што выкарыстоўваюцца кіберзлачынцамі, а таксама акцэнтуюць увагу на тым, у якіх проціпраўных дзеяннях удзельнічаюць самі падлеткі і чым пагражае незаконны бізнес у інтэрнэце.
Дзецям раскажуць, як абараніцца ад кібербулінгу, грумінгу і секстынгу, нагадаюць правілы бяспечных паводзін у сацсетках і мэсэнджарах, праінфармуюць аб лічбавай гігіене ў анлайн-гульнях.
"Кожны павінен разумець: цалкам устараніць пакінутыя ў інтэрнэце сляды немагчыма. А абяцаныя арганізатарамі злачынных схем беспакаранасць і ананімнасць - гэта толькі хітрасць, якая не мае нічога агульнага з рэчаіснасцю", - падкрэслілі ў МУС.-0-
