9 снежня, Мінск /Кар. БЕЛТА/. Аналагаў Саюзнай дзяржаве няма ў сусветнай практыцы. Аб гэтым заявіў прэм'ер-міністр Беларусі Раман Галоўчанка ў час урачыстага мерапрыемства з нагоды 25-й гадавіны падпісання Дагавора аб стварэнні Саюзнай дзяржавы ў Нацыянальным акадэмічным Вялікім тэатры оперы і балета, перадае карэспандэнт БЕЛТА.
"Сёння дзень вялікай без перабольшання значнасці ў гісторыі Рэспублікі Беларусь і Расійскай Федэрацыі. Роўна 25 гадоў таму нашы краіны выбралі ўнікальны шлях сумеснага развіцця ў фармаце Саюзнай дзяржавы, аналагаў якой няма ў сусветнай практыцы", - адзначыў Раман Галоўчанка.
Прэм'ер-міністр зачытаў зварот да народаў Беларусі і Расіі з нагоды 25-годдзя Дагавора аб Саюзнай дзяржаве Старшыні Вышэйшага дзяржаўнага савета Саюзнай дзяржавы, Прэзідэнта Беларусі Аляксандра Лукашэнкі.
У мерапрыемстве прымаюць удзел вышэйшыя службовыя асобы Рэспублікі Беларусь, кіраўнікі дзяржаўных органаў і арганізацый Рэспублікі Беларусь, Расійскай Федэрацыі, іншыя запрошаныя. У праграме - опера М.Мусаргскага "Хаваншчына" ў пастаноўцы Дзяржаўнага акадэмічнага Марыінскага тэатра.-0-
