29 лістапада, Мінск /Кар. БЕЛТА/. Ва ўмовах непагадзі, калі моцныя ападкі ў выглядзе дажджу і мокрага снегу ўскладняюць дарожную абстаноўку, вельмі ўважлівымі павінны быць і вадзіцелі, і пешаходы. Аб гэтым карэспандэнту БЕЛТА паведамілі ва УДАІ ГУУС Мінгарвыканкама.
У сувязі з пагаршэннем умоў надвор'я, выпадзеннем ападкаў у выглядзе дажджу і мокрага снегу сталічная Дзяржаўтаінспекцыя рэкамендуе ўсім удзельнікам дарожнага руху праяўляць максімум асцярожнасці. Вадзіцелям пры руху неабходна выбіраць бяспечную скорасць, максімальна трымаць дыстанцыю да транспарту, што едзе наперадзе, пазбягаць рэзкіх тармажэнняў і манеўраў за рулём, па магчымасці адмовіцца ад абгону.
Трэба быць вельмі ўважлівымі пры праездзе пешаходных пераходаў, пуцеправодаў, мастоў, на закругленнях дарог. Абавязкова выкарыстанне рамянёў бяспекі як на пярэдніх, так і на задніх сядзеннях усіх транспартных сродкаў, абсталяваных імі.
Пешаходам трэба быць вельмі ўважлівымі пры перасячэнні праезнай часткі. Рабіць гэта неабходна па пешаходным пераходзе. У непагадзь важна зрабіць сябе больш прыкметным, выкарыстаўшы святлоадбівальныя элементы.-0-
