25 ліпеня, Мінск /Кар. БЕЛТА/. У Беларусі з 1 жніўня для сем'яў, якія выхоўваюць дзяцей, павялічваюцца памеры дзяржаўных дапамог, што вылічаюцца з БПМ, - на 3,4 працэнта. Аб гэтым паведамілі БЕЛТА ў прэс-службе Міністэрства працы і сацыяльнай абароны.
З 1 жніўня па 31 кастрычніка 2024 года аднаразовая дапамога ў сувязі з нараджэннем першага дзіцяці складзе 10 БПМ, або Br4330, пры нараджэнні другога і наступных дзяцей - 14 БПМ, або Br6062.
Аднаразовая дапамога жанчынам, якія сталі на ўлік у арганізацыях аховы здароўя да 12-тыднёвага тэрміну цяжарнасці, складзе 100 працэнтаў БПМ, або Br433.
Штомесячная дапамога сем'ям на дзяцей ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў будзе складаць 50 працэнтаў БПМ, або Br216,50.
Павялічваецца таксама памер штомесячнай дапамогі на дзяцей старэйшых за 3 гады з асобных катэгорый сем'яў, прадугледжаных заканадаўствам. На дзяцей старэйшых за 3 гады, якія выхоўваюцца ў такіх сем'ях (акрамя дзіцяці-інваліда), - гэта 50 працэнтаў БПМ, або Br216,50. На дзіця-інваліда старэйшага за 3 гады - 70 працэнтаў БПМ, або Br303,10.
Зменіцца памер штомесячнай дапамогі па доглядзе дзіцяці-інваліда ва ўзросце да 18 гадоў. Пры наяўнасці I і II ступені страты здароўя да спаўнення дзіцяці 18 гадоў і III і IV ступені страты здароўя да спаўнення дзіцяці ўзросту 3 гадоў дапамога будзе складаць 100 працэнтаў БПМ, або Br433. Пры III і IV ступені страты здароўя пасля спаўнення дзіцяці ўзросту 3 гадоў - 120 працэнтаў БПМ, або Br519.
Памер дапамогі на дзяцей ва ўзросце да 18 гадоў, інфіцыраваных вірусам імунадэфіцыту чалавека (штомесячнай), складзе 70 працэнтаў БПМ, або Br303,10.
У Мінпрацы дадалі, што дапамогі, якія вылічаюцца з БПМ, выплачваюцца больш як 169 тыс. дзяцей.-0-
