28 лістапада, Мінск /Кар. БЕЛТА/. Кіраўнікі прамысловых прадпрыемстваў Беларусі адзначаюць захаванне росту аб'ёмаў вытворчасці. Аб гэтым сведчаць рэзультаты кан'юнктурнага апытання дырэктараў, праведзенага Навукова-даследчым эканамічным інстытутам Мінэканомікі ў лістападзе, паведамілі БЕЛТА ў прэс-службе міністэрства.
Аб павелічэнні выпуску прадукцыі паведамілі 42 працэнты апытаных кіраўнікоў. Амаль 75 працэнтаў рэспандэнтаў адзначаюць рост або захаванне попыту на сваю прадукцыю.
Узровень загрузкі вытворчых магутнасцей складае 71 працэнт. Сярэдні перыяд забяспечанасці заказамі - тры месяцы.
Прадпрыемствы актыўна інвесціруюць у сваё развіццё. Паводле даных апытання, сярод напрамкаў выкарыстання інвестыцый лідзіруюць абнаўленне (76 працэнтаў) і пашырэнне (31 працэнт) вытворчых магутнасцей. Для кожнага пятага прампрадпрыемства значным было пытанне інвесціравання ў рэсурсазберажэнне і зніжэнне працоўных выдаткаў.
У кароткатэрміновай перспектыве вытворцы чакаюць росту цэн на сваю прадукцыю, захавання аб'ёмаў выпуску і бягучага ўзроўню занятасці.-0-
