4 лютага, Мінск /Кар. БЕЛТА/. Лепшага маладога работніка сферы ЖКГ вызначаць у Беларусі. Арганізатарам конкурсу прафесійнага майстэрства выступіў Беларускі прафсаюз работнікаў мясцовай прамысловасці і камунальна-бытавых прадпрыемстваў і Міністэрства жыллёва-камунальнай гаспадаркі, паведамілі БЕЛТА ў прафсаюзе.
Як растлумачылі ў прэс-службе прафсаюза, конкурсы прафесійнага майстэрства сярод працоўных сферы ЖКГ праводзяць рэгулярна. Але сярод маладых работнікаў яго праводзяць упершыню. Для ўдзелу ў конкурсе было пададзена каля 200 заявак ад розных прадпрыемстваў і арганізацый галіны.
Конкурс праходзіць у два этапы. У кожнай вобласці і горадзе Мінску выберуць лепшага маладога работніка, які прадставіць свой рэгіён на рэспубліканскім этапе.
Першы этап адбору ўдзельнікаў у Гомельскай і Магілёўскай абласцях пройдзе 5 лютага, Брэсцкай, Віцебскай абласцях і горадзе Мінску - 7 лютага, у Гродзенскай вобласці - 10 лютага і Мінскай вобласці - 13 лютага.
Пры падвядзенні вынікаў будуць улічваць прафесійныя якасці маладога работніка, поспехі і дасягненні ў прафесійнай і прафсаюзнай дзейнасці.
Пераможцу рэспубліканскага этапу вызначыць камісія 5 сакавіка. Яму будзе прысвоена званне "Лепшы малады работнік ЖКГ" і ўручаны дыплом міністэрства і галіновага прафсаюза, спецыяльны прыз і грашовая прэмія.
Узнагароджванне пераможцы пройдзе ва ўрачыстай абстаноўцы 19 сакавіка напярэдадні прафесійнага свята.-0-
