26 сакавіка, Пхеньян /Кар. БЕЛТА/. Прэзідэнт Беларусі Аляксандр Лукашэнка і Старшыня Дзяржаўных спраў Карэйскай Народна-Дэмакратычнай Рэспублікі Кім Чэн Ын падпісалі дагавор аб дружбе і супрацоўніцтве паміж дзвюма краінамі, перадае карэспандэнт БЕЛТА.
Падпісанне дакумента стала адным з важных вынікаў афіцыйных перагавораў лідараў Беларусі і КНДР.
Аляксандр Лукашэнка назваў гэты дакумент фундаментальным, таму што там дакладна і адкрыта выкладзены мэты, прынцыпы ўзаемадзеяння дзвюх краін, вызначаны інстытуцыянальныя рамкі будучых узаемавыгадных працэсаў.
"Новы міждзяржаўны дагавор будзе прававым фундаментам, які ў далейшым гарантуе стабільнае развіццё двухбаковых адносін", - ахарактарызаваў дакумент Кім Чэн Ын.
Як паведамлялася раней, міністр замежных спраў Беларусі Максім Рыжанкоў тлумачыў журналістам, што гэты дагавор з'яўляецца асноўным дакументам, які дасць магчымасць больш актыўна развіваць адносіны. "Ёсць цэлы комплекс напрамкаў, якія цікавяць і беларускі, і карэйскі бакі. Яны ўсе адлюстраваны ў адпаведным дагаворы аб дружбе, які падпішуць лідары нашых краін. І на аснове гэтага дагавора ўжо будзем развіваць кантакты па лініі галіновых міністэрстваў і ведамстваў", - сказаў кіраўнік МЗС.-0-
