2 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў работнікаў і ветэранаў органаў Камітэта дзяржаўнага кантролю з 30-годдзем утварэння ведамства і прафесійным святам - Днём работнікаў органаў дзяржаўнага кантролю. Аб гэтым БЕЛТА паведамілі ў прэс-службе беларускага лідара.
"Стварэнне і развіццё Камітэта дзяржаўнага кантролю цесна звязаны са станаўленнем суверэннай Беларусі. За тры дзесяцігоддзі ён не толькі адбыўся як аўтарытэтны інстытут дзяржаўнага кантролю, але і стаў важнейшым звяном ва ўмацаванні нацыянальнай бяспекі, дасягненні прыярытэтных мэт эканамічнага і прававога развіцця краіны", - гаворыцца ў віншаванні.
Цяпер з'яднаны калектыў КДК забяспечвае незалежны аўдыт ва ўсіх сферах, адстойваючы інтарэсы дзяржавы і народа, адзначыў Прэзідэнт.
Асобныя словы Аляксандр Лукашэнка адрасаваў ветэранам, якія ўнеслі вялікі ўклад у стварэнне галоўнага кантрольнага ведамства, заклалі традыцыі адказнага стаўлення да справы, вернасці закону і абавязку.
Кіраўнік дзяржавы выказаў упэўненасць, што работнікі органаў КДК і ў далейшым будуць з гонарам служыць Айчыне, надзейна абараняючы эканамічны суверэнітэт дзяржавы.
Прэзідэнт пажадаў работнікам органаў дзяржкантролю, іх родным і блізкім моцнага здароўя, сямейнага цяпла, міру і новых здзяйсненняў на карысць роднай Беларусі.-0-
