Прэзідэнт Беларусі Аляксандр Лукашэнка 14 ліпеня падпісаў указ нумар 273, накіраваны на спрашчэнне працэдур рэгістрацыі зямельных участкаў. Аб гэтым БЕЛТА паведамілі ў прэс-службе кіраўніка дзяржавы.
Указам да 1 студзеня 2028 года ўстанаўліваецца спрошчаны парадак афармлення грамадзянамі дакументаў, якія засведчваюць права на зямельныя ўчасткі (без распрацоўкі праектаў іх адводу), прадастаўленыя для будаўніцтва і абслугоўвання аднакватэрных жылых дамоў, вядзення сялянскай (фермерскай) гаспадаркі, калектыўнага садаводства, дачнага будаўніцтва, народных мастацкіх рамёстваў, а таксама ў выпадках іх самавольнага займання.
Таксама да гэтай даты падаўжаюцца тэрміны спрошчанага парадку афармлення дакументаў, якія засведчваюць права на зямельныя ўчасткі (без распрацоўкі праектаў іх адводу), прадастаўленыя арганізацыям для будаўніцтва і абслугоўвання эксплуатуемых шматкватэрных жылых дамоў і аб'ектаў жыллёва-камунальнай гаспадаркі.
Адпаведныя змяненні ўнесены ва ўказы нумар 463 ад 26 снежня 2017 года "Аб удасканаленні парадку адабрання і прадастаўлення зямельных участкаў" і нумар 76 ад 2 сакавіка 2021 года "Аб афармленні правазасведчвальных дакументаў".-0-
