4 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка прызнаўся журналістам, што спакойна ўспрымае цяперашнюю прэзідэнцкую выбарчую кампанію. Фрагмент размовы з кіраўніком дзяржавы быў паказаны ў эфіры навін тэлеканала "Беларусь 1", паведамляе БЕЛТА.
"Выбары нібыта ўжо, кампанія пачался. Я баяўся, каб мяне нашы журналісты не папракнулі ў тым, што я неяк расслаблена, не настроены, баявога духу няма... Потым вам скажу, чаму я так спакойна ўспрымаю гэтыя выбары. Гэта для мяне вельмі важна. Гэта фундаментальна для мяне", - сказаў кіраўнік дзяржавы.
"Ніякага ўтрымання ўлады, нічога тут няма. І што партыі вылучылі свайго чалавека, я ў гэтым нічога дрэннага не бачу. Гэта партыі. Яны павінны пра сябе заявіць. Выйграюць, не выйграюць - выбары пакажуць. Але яны павінны пра сябе заявіць. Таму нармальна пачалася гэта кампанія. Яна яшчэ не пачалася, але першы крок зроблены. Нармальны крок, я лічу", - дадаў беларускі лідар.
Журналіст тэлеканала на гэта заўважыла: "Мы ваш баявы дух усё роўна адчуваем".
"Ну, гэта ты адчуваеш, таму што ты ўжо нямала гадоў побач і бачыш. Зразумела, мы будзем змагацца за сваю Беларусь", - адказаў Аляксандр Лукашэнка.-0-
