4 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка наведвае з рабочай паездкай Пінскі раён Брэсцкай вобласці, паведамляе БЕЛТА.
Кіраўнік дзяржавы наведвае ААТ "Парахонскае", дзе яму даложаць аб вытворчай дзейнасці і перспектывах развіцця гэтага сельгаспрадпрыемства, арганізацыі работы па насенняводстве шматгадовых траў. Размова таксама пойдзе аб завяршэнні ўборкі збожжавых і ходзе сельскагаспадарчых работ у Беларусі, Брэсцкай вобласці і Пінскім раёне.
Яшчэ адна тэма рабочай паездкі - меліярацыя. Чакаецца, што Аляксандр Лукашэнка азнаёміцца з меліярацыйнай тэхнікай, якая выкарыстоўваецца ў ААТ "Парахонскае".
Плануецца, што ў ходзе рабочай паездкі Прэзідэнт таксама ўдзеліць увагу пытанням развіцця сацыяльнай сферы.
ААТ "Парахонскае" размешчана на былых балотах поймы рэк Прыпяць, Ясельда і Бобрык. У красавіку 1974 года першыя 2,5 тыс. га былі перададзены для сельгасвытворчасці саўгасу "Парахонскі". Меліярацыйныя работы прадаўжаліся 10 гадоў - да 1984 года. Прадуктам меліярацыі зямель стаў саўгас "Парахонскі" з агульным аб'ёмам меліярацыйных зямель 14 тыс. га, з якіх 12,4 тыс. га сельгасугоддзяў.
Прадпрыемства перажыло няпросты перыяд першай паловы 1990-х, калі адбыўся рэзкі спад вытворчасці. У далейшым пры дзяржаўнай падтрымцы паступова пачала закупляцца новая тэхніка, аднавіліся меліярацыйныя работы, пабудаваны жывёлагадоўчыя комплексы. У выніку ўдалося практычна нанава адбудаваць "Парахонскае".
Цяпер прадпрыемства мае пагалоўе БРЖ 26,5 тыс. галоў. Агульная плошча зямель складае амаль 26,6 тыс. га, з якіх сельгасугоддзі - каля 20 тыс. га. За 2023 год атрымалі амаль 53 тыс. т малака пры ўдоі на карову больш за 10 тыс. кг, прададзена звыш 7 тыс. т ялавічыны пры сярэднясутачным прыбаўленні ў вазе 950 г.
Выручка ад рэалізацыі прадукцыі склала Br109 млн, выручка на аднаго працуючага - Br158 тыс. пры сярэднямесячнай заработнай плаце Br2150. Атрымана прыбытку больш за Br14 млн пры рэнтабельнасці 17,5%. Даходы прадпрыемства даюць магчымасць аплачваць крэдыты, пазыкі, лізінгавыя абавязацельствы, весці пашыранае аднаўленне, закупляць тэхніку, ажыццяўляць будаўніцтва вытворчых аб'ектаў. Адпаведна атрымала дадатковыя крыніцы для развіцця і сацыяльная сфера аграгарадка Парахонск у Пінскім раёне.-0-
