18 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў ваеннаслужачых і ветэранаў унутраных войскаў з днём унутраных войскаў Міністэрства ўнутраных спраў. Аб гэтым БЕЛТА паведамілі ў прэс-службе кіраўніка дзяржавы.
"Уся больш чым векавая гісторыя ўнутраных войскаў - гэта вернае служэнне краіне і народу, а яе найбольш яркімі старонкамі з'яўляюцца гераічная барацьба са знешнім і ўнутраным ворагам у час замежнай ваеннай інтэрвенцыі і Вялікай Айчыннай вайны, удзел у наладжванні мірнага жыцця ў пасляваенныя гады, навядзенне правапарадку ў ліхія дзевяностыя, недапушчэнне дэстабілізацыі абстаноўкі ў краіне ў дваццаць першым стагоддзі", - гаворыцца ў віншаванні.
Аляксандр Лукашэнка адзначыў, што сёння ўнутраныя войскі ўяўляюць сабой баяздольнае воінскае фарміраванне, аснашчанае прафесійнымі кадрамі, сучаснай тэхнікай і ўзбраеннем, якое штодзённа забяспечвае правапарадак на вуліцах гарадоў, затрымлівае і канваіруе злачынцаў, ахоўвае асабліва важныя дзяржаўныя аб'екты і папраўчыя ўстановы, абясшкоджвае ўзрыўныя ўстройствы і боепрыпасы, процідзейнічае незаконным узброеным фарміраванням.
"Адметнымі якасцямі кожнага воіна ўнутраных войскаў з'яўляюцца вернасць прысязе, мужнасць і высокае баявое майстэрства, - падкрэсліў Прэзідэнт. - Асобныя словы ўдзячнасці ветэранам, якія і сёння падтрымліваюць цесную сувязь з воінскімі калектывамі і актыўна займаюцца патрыятычным выхаваннем моладзі".
Кіраўнік дзяржавы падзякаваў ваеннаслужачым за службу, пажадаўшы ім і іх сем'ям моцнага здароўя, міру, дабрабыту і новых поспехаў у справе служэння роднай Беларусі.
Віншаванне Прэзідэнта Беларусі з днём унутраных войскаў Міністэрства ўнутраных спраў
Ваеннаслужачым і ветэранам унутраных войскаў Міністэрства ўнутраных спраў Рэспублікі Беларусь
Паважаныя таварышы!
Віншую вас з днём унутраных войскаў Міністэрства ўнутраных спраў Рэспублікі Беларусь.
Уся больш чым векавая гісторыя ўнутраных войскаў - гэта вернае служэнне краіне і народу, а яе найбольш яркімі старонкамі з'яўляюцца гераічная барацьба са знешнім і ўнутраным ворагам у час замежнай ваеннай інтэрвенцыі і Вялікай Айчыннай вайны, удзел у наладжванні мірнага жыцця ў пасляваенныя гады, навядзенне правапарадку ў ліхія дзевяностыя, недапушчэнне дэстабілізацыі абстаноўкі ў краіне ў дваццаць першым стагоддзі.
Сёння ўнутраныя войскі ўяўляюць сабой баяздольнае воінскае фарміраванне, аснашчанае прафесійнымі кадрамі, сучаснай тэхнікай і ўзбраеннем, якое штодзённа забяспечвае правапарадак на вуліцах нашых гарадоў, затрымлівае і канваіруе злачынцаў, ахоўвае асабліва важныя дзяржаўныя аб'екты і папраўчыя ўстановы, абясшкоджвае ўзрыўныя ўстройствы і боепрыпасы, процідзейнічае незаконным узброеным фарміраванням.
Адметнымі якасцямі кожнага воіна ўнутраных войскаў з'яўляюцца вернасць прысязе, мужнасць і высокае баявое майстэрства.
Асобныя словы ўдзячнасці ветэранам, якія і сёння падтрымліваюць цесную сувязь з воінскімі калектывамі і актыўна займаюцца патрыятычным выхаваннем моладзі.
Дзякуй за службу!
Жадаю вам і вашым сем'ям моцнага здароўя, міру, дабрабыту і новых поспехаў у справе служэння нашай роднай Беларусі.
Аляксандр Лукашэнка
18 сакавіка 2025 г.-0-
