16 студзеня, Мінск /Кар. БЕЛТА/. За наступную пяцігодку ў Мінску з'явіцца не менш як пяць новых тэхнапаркаў. Аб гэтым Прэзідэнт Беларусі Аляксандр Лукашэнка заявіў, наведваючы Мінскі гарадскі тэхнапарк, перадае карэспандэнт БЕЛТА.
Кіраўнік дзяржавы ўпэўнены ў запатрабаванасці і эфектыўнасці такой формы развіцця вытворчай сферы.
"Трэба было паглядзець на сваё дзецішча (Мінскі гарадскі тэхнапарк, якому аддалі незапатрабаваныя тэрыторыі мотавелазавода. - Заўвага БЕЛТА). Цяпер мы плануем - гарвыканкам будзе на тэрыторыі Мінска ствараць пяць недзе прыкладна тэхнапаркаў. Паступова будзем падобныя - больш, менш - ствараць тэхнапаркі. На заводзе "Гарызонт", як мы яго раней называлі, будзем адпаведныя вытворчасці развіваць - высокатэхналагічныя. Там ужо менш будзе жалеза і больш мазгоў", - сказаў Прэзідэнт.
"Розныя будуць тэхнапаркі. Таму за наступную пяцігодку пяць дакладна ў нас у Мінску з'явяцца", - дадаў Аляксандр Лукашэнка.-0-
