19 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка заслухаў даклад старшыні Брэсцкага аблвыканкама Юрыя Шулейкі аб гатоўнасці рэгіёна да ўборачнай кампаніі. Аб гэтым БЕЛТА паведамілі ў прэс-службе беларускага лідара.
"На мінулых выхадных Прэзідэнт паглядзеў палі і пасевы Гродзенскай і Брэсцкай абласцей. У развіццё гэтых мерапрыемстваў сёння адбылася прынцыповая і падрабязная размова з губернатарам Брэсцкай вобласці, у ходзе якой Юрый Шулейка далажыў кіраўніку дзяржавы аб гатоўнасці рэгіёна да ўборачнай кампаніі. Дарэчы, выбарачна гаспадаркі Брэсцкай вобласці пачалі ўжо ўборку азімага ячменю", - праінфармавалі ў прэс-службе.
У цэлым па Брэсцкай вобласці давядзецца правесці ўборку збожжавага палетка на 360 тыс. га. На трэць павялічылі пасевы азімага ячменю. Гэта тая культура, якая з году ў год дае добры рэзультат. У бягучым годзе давядзецца правесці ўборку амаль 30 тыс. га (азімага ячменю). Першыя гаспадаркі выбарачна пачалі жніво 17 чэрвеня. За апошнія два гады ў гаспадаркі Брэсцкай вобласці паступілі больш за 300 новых збожжаўборачных камбайнаў. Работу ў гэтым напрамку прадаўжаюць.
На ўборцы збожжа ў Брэсцкай вобласці будуць задзейнічаны каля 6 тыс. чалавек - камбайнеры, вадзіцелі, аператары, іншыя работнікі. У палі выйдуць 1384 збожжаўборачныя камбайны.-0-
