Распрацаваны тры варыянты трансфармацыі сістэмы рэгулявання цэн. Аб гэтым расказаў міністр антыманапольнага рэгулявання і гандлю Аляксей Багданаў у эфіры тэлеканала СТБ, паведамляе БЕЛТА.
Адносна цэнавага рэгулявання міністр нагадаў, што ў 2024 годзе дзейнічалі нормы пастановы ўрада нумар 713. Дзякуючы гэтаму ўдалося стрымаць рост цэн з захаваннем устаноўленых указам кіраўніка дзяржавы параметраў інфляцыі - не больш як 6 працэнтаў. Чакаецца, што па выніках года гэты паказчык будзе выкананы нават з невялікім запасам.
Разам з тым, дадаў Аляксей Багданаў, неабходна ўдасканальваць механізм рэгулявання цэн, ёсць адпаведнае даручэнне кіраўніка дзяржавы. "Урад над ім працуе. На сёння намі распрацаваны тры варыянты трансфармацыі механізма цэнавага рэгулявання. Я думаю, што ў нейкі перыяд 2025 года гэта сістэма будзе абноўлена", - адзначыў ён.
Адным з элементаў новай сістэмы цэнавага рэгулявання стане аўтаматызаваная інфармацыйная сістэма "Аналіз цэн", сказаў міністр. Паводле яго слоў, яна дазволіць у анлайн-рэжыме сачыць за любымі зменамі цаны і кантраляваць яе. Цяпер жа рэгулятар атрымлівае інфармацыю аб цэнах фактычна постфактум: па выніках маніторынгаў, ад Белстата.
"Мы будзем бачыць, па якіх цэнах увайшоў тавар у нашу краіну, якая цана ў вытворцаў. Мы будзем бачыць колькасць пасрэднікаў, якія перапрадавалі гэты тавар, і тое, якую рабілі нацэнку, надбаўку на гэты тавар. І мы адпаведна зможам ужо больш аператыўна ўплываць на фарміраванне (цэн.- Заўвага БЕЛТА)", - растлумачыў Аляксей Багданаў.
Міністр таксама пракаменціраваў спробы асобных краін, у прыватнасці Літвы, увесці дзяржаўнае рэгуляванне цэн. Паводле яго слоў, у любой краіне ў той ці іншай ступені прысутнічаюць элементы дзяржаўнага рэгулявання. Не існуе чыстай рыначнай мадэлі.
Аляксей Багданаў расказаў, што нядаўна Аб'яднаныя Арабскія Эміраты ўвялі строгае цэнавае рэгуляванне па беларускай мадэлі. У гэтай краіне з 2 студзеня ўстаноўлена забарона на павышэнне на працягу паўгода цэн на дзевяць таварных груп: яйкі, хлебабулачныя вырабы, збожжа, алей, мяса птушкі і г.д.
"Вядома, ва ўмовах нестабільнасці глабальнага рынку і змены валютных сістэм і гэтак далей усе гэтыя шокі негатыўна ўплываюць на ўнутраныя працэсы любой краіны свету. І, вядома, без правільнага дзяржаўнага рэгулявання можна дапусціць такія працэсы, калі інфляцыя будзе разганяцца да трохзначных значэнняў. А гэтага, вядома, у нашай краіне дапусціць мы ніяк не можам", - падкрэсліў міністр.
Гаворачы аб наяўнасці тавараў на паліцах у магазінах у перыяд навагодніх свят, ён адзначыў вялікае іх багацце. Ёсць усё: тавары і айчыннай вытворчасці, доля якіх расце, і імпартных. Рыхтавацца да навагодніх свят пачалі загадзя, яшчэ ў лістападзе. Быў складзены адпаведны план па фарміраванні рэзерваў на асноўныя тавары, якія карыстаюцца павышаным попытам. Запасы сфарміравалі як вытворцы, так і гандаль.-0-
Адносна цэнавага рэгулявання міністр нагадаў, што ў 2024 годзе дзейнічалі нормы пастановы ўрада нумар 713. Дзякуючы гэтаму ўдалося стрымаць рост цэн з захаваннем устаноўленых указам кіраўніка дзяржавы параметраў інфляцыі - не больш як 6 працэнтаў. Чакаецца, што па выніках года гэты паказчык будзе выкананы нават з невялікім запасам.
Разам з тым, дадаў Аляксей Багданаў, неабходна ўдасканальваць механізм рэгулявання цэн, ёсць адпаведнае даручэнне кіраўніка дзяржавы. "Урад над ім працуе. На сёння намі распрацаваны тры варыянты трансфармацыі механізма цэнавага рэгулявання. Я думаю, што ў нейкі перыяд 2025 года гэта сістэма будзе абноўлена", - адзначыў ён.
Адным з элементаў новай сістэмы цэнавага рэгулявання стане аўтаматызаваная інфармацыйная сістэма "Аналіз цэн", сказаў міністр. Паводле яго слоў, яна дазволіць у анлайн-рэжыме сачыць за любымі зменамі цаны і кантраляваць яе. Цяпер жа рэгулятар атрымлівае інфармацыю аб цэнах фактычна постфактум: па выніках маніторынгаў, ад Белстата.
"Мы будзем бачыць, па якіх цэнах увайшоў тавар у нашу краіну, якая цана ў вытворцаў. Мы будзем бачыць колькасць пасрэднікаў, якія перапрадавалі гэты тавар, і тое, якую рабілі нацэнку, надбаўку на гэты тавар. І мы адпаведна зможам ужо больш аператыўна ўплываць на фарміраванне (цэн.- Заўвага БЕЛТА)", - растлумачыў Аляксей Багданаў.
Міністр таксама пракаменціраваў спробы асобных краін, у прыватнасці Літвы, увесці дзяржаўнае рэгуляванне цэн. Паводле яго слоў, у любой краіне ў той ці іншай ступені прысутнічаюць элементы дзяржаўнага рэгулявання. Не існуе чыстай рыначнай мадэлі.
Аляксей Багданаў расказаў, што нядаўна Аб'яднаныя Арабскія Эміраты ўвялі строгае цэнавае рэгуляванне па беларускай мадэлі. У гэтай краіне з 2 студзеня ўстаноўлена забарона на павышэнне на працягу паўгода цэн на дзевяць таварных груп: яйкі, хлебабулачныя вырабы, збожжа, алей, мяса птушкі і г.д.
"Вядома, ва ўмовах нестабільнасці глабальнага рынку і змены валютных сістэм і гэтак далей усе гэтыя шокі негатыўна ўплываюць на ўнутраныя працэсы любой краіны свету. І, вядома, без правільнага дзяржаўнага рэгулявання можна дапусціць такія працэсы, калі інфляцыя будзе разганяцца да трохзначных значэнняў. А гэтага, вядома, у нашай краіне дапусціць мы ніяк не можам", - падкрэсліў міністр.
Гаворачы аб наяўнасці тавараў на паліцах у магазінах у перыяд навагодніх свят, ён адзначыў вялікае іх багацце. Ёсць усё: тавары і айчыннай вытворчасці, доля якіх расце, і імпартных. Рыхтавацца да навагодніх свят пачалі загадзя, яшчэ ў лістападзе. Быў складзены адпаведны план па фарміраванні рэзерваў на асноўныя тавары, якія карыстаюцца павышаным попытам. Запасы сфарміравалі як вытворцы, так і гандаль.-0-
