На падрыхтоўку ўстаноў адукацыі да новага навучальнага года ў Беларусі выдзялялася звыш Br300 млн, паведаміла намеснік начальніка галоўнага ўпраўлення агульнай сярэдняй, дашкольнай і спецыяльнай адукацыі - начальнік упраўлення агульнай сярэдняй адукацыі Міністэрства адукацыі Ірына Каржова ў праекце БЕЛТА "Краіна гаворыць".
"У рэспубліцы на рамонтныя работы, у тым ліку на падрыхтоўку ўстаноў адукацыі да 2023-2024 навучальнага года, выдзелена больш за Br300 млн", - сказала Ірына Каржова.
Начальнік упраўлення ўдакладніла, што аб'ём выдзеленых на гэтыя мэты сродкаў значна перавышае мінулагоднія паказчыкі. На падрыхтоўку школ да 2022-2023 навучальнага года прадугледжвалася больш за Br196 млн. "Бяспечныя, камфортныя ўмовы ў сістэме адукацыі - гэта сёння асноўнае", - дадала яна.
Сродкі рэспубліканскага бюджэту, сярод іншага, выдзяляліся на пастаўку абсталявання для кабінетаў фізікі, хіміі, біялогіі.
Паводле слоў намесніка старшыні Магілёўскага аблвыканкама Валерыя Малашкі, аказваецца таксама шэфская дапамога, у тым ліку з боку прадпрыемстваў недзяржаўнай формы ўласнасці.
Праект створаны за кошт сродкаў мэтавага збору на вытворчасць нацыянальнага кантэнту.
