9 ліпеня, Мінск /Кар. БЕЛТА/. Міністэрства адукацыі зацвердзіла парадак правядзення конкурсу кіраўнікоў па ваенна-патрыятычным выхаванні. Палажэнне зацверджана пастановай Міністэрства адукацыі нумар 72 ад 14 чэрвеня 2024 года, апублікаванай на Нацыянальным прававым партале, паведамляе БЕЛТА.
Дакументам зацверджана інструкцыя аб парадку правядзення рэспубліканскага конкурсу "Кіраўнік па ваенна-патрыятычным выхаванні", якая вызначае парадак арганізацыі і правядзення ў сярэдніх школах, гімназіях, ліцэях, кадэцкіх вучылішчах конкурсу.
Конкурс праводзіцца адзін раз у два гады ў мэтах выяўлення, абагульнення і распаўсюджвання вопыту работы лепшых кіраўнікоў па ваенна-патрыятычным выхаванні ў дзвюх намінацыях: "Лепшы кіраўнік па ваенна-патрыятычным выхаванні сярэдняй школы, гімназіі, ліцэя", "Лепшы кіраўнік па ваенна-патрыятычным выхаванні кадэцкага вучылішча".
Пастанова ўступае ў сілу пасля яе афіцыйнага апублікавання.-0-
