Праект нацыянальнай стратэгіі ўстойлівага развіцця Беларусі на перыяд да 2040 года апублікаваны для грамадскага абмеркавання на сайце Міністэрства эканомікі, паведамілі БЕЛТА ў ведамстве.
НСУР-2040 выступае сістэмаўтваральным дакументам, яе палажэнні будуць пакладзены ў аснову стратэгій развіцця галін, дакументаў дзяржаўнага планавання і прагназавання. Праект стратэгіі грунтуецца на асноўных палажэннях канцэпцыі нацыянальнай бяспекі Беларусі і праектных ідэях комплекснага прагнозу навукова-тэхнічнага прагрэсу на 2026-2030 гады і на перыяд да 2045 года.
У аснове праекта сістэмны падыход, які раскрывае развіццё трох узаемазвязаных кампанентаў - чалавек, эканоміка і экалогія - праз шэраг прыярытэтаў. У іх ліку ўмацаванне сямейных каштоўнасцей і забеспячэнне шырокіх магчымасцей для развіцця асобаснага патэнцыялу, якасная адукацыя, арыентаваная на тэхналагічнае развіццё і новыя жыццёвыя патрэбнасці, тэхналагічная незалежнасць і пабудова інтэлектуальнай эканомікі. Таксама да асноўных прыярытэтаў належаць канкурэнтнае і даступнае бізнес-асяроддзе, дасягненне балансу інтарэсаў бізнесу і дзяржавы, экалагічная бяспека і рэсурсаэфектыўнасць.
Прапановы па праекце дакумента можна накіроўваць з 24 верасня па 16 кастрычніка ў адрас Міністэрства эканомікі і на афіцыйную электронную пошту: prognoz@economy.gov.by.-0-
