9 ліпеня, Масква /Эдуард Півавар - БЕЛТА/. Пасяджэнне Савета міністраў замежных спраў Шанхайскай арганізацыі супрацоўніцтва пройдзе 14-15 ліпеня ў Цяньцзіні (Кітай). Аб гэтым паведаміла на брыфінгу афіцыйны прадстаўнік МЗС Расіі Марыя Захарава, перадае карэспандэнт БЕЛТА.
"Сустрэча стане ключавым этапам у падрыхтоўцы саміту ШАС, які пройдзе 30 жніўня - 1 верасня там жа, у Цяньцзіні", - сказала Марыя Захарава.
Паводле яе слоў, кіраўнікі МЗС краін ШАС абмяркуюць цяперашні стан і перспектывы далейшага развіцця і ўдасканалення дзейнасці арганізацыі.-0-
