10 лютага, Мінск /Кар. БЕЛТА/. Дзейсныя спосабы пошуку работы паведамілі БЕЛТА ў прэс-службе Міністэрства працы і сацыяльнай абароны.
Так, у ведамстве раяць наведаць інфармацыйны партал Дзяржаўнай службы занятасці. На гэтым рэсурсе размешчаны агульнарэспубліканскі банк вакансій, які штодзённа абнаўляецца ў рэжыме online. Цяпер на ім сабраны амаль 190 тыс. вакансій з усіх рэгіёнаў краіны, што дазваляе зручна шукаць работу ў адным месцы. Партал таксама прапануе лічбавы рэсурс па прафесійнай арыентацыі "Крок у прафесію" і прадастаўляе прававую інфармацыю.
Акрамя таго, можна звярнуцца ў мясцовыя падраздзяленні службы занятасці. У іх акажуць садзейнічанне ў працаўладкаванні на пастаяннае месца работы, для беспрацоўных арганізуюць навучанне па запатрабаваных на рынку працы прафесіях і прадаставяць субсідыі для самазанятасці. Таксама служба занятасці дапамагае з перасяленнем грамадзян, набыццём вопыту практычнай работы і часовай занятасцю навучэнскай моладзі.
У Мінпрацы таксама раяць звярнуцца ў агенцтва па працаўладкаванні. З рэестрам агенцтваў можна азнаёміцца на сайце ведамства.-0-
