15 красавіка, Мінск /Кар. БЕЛТА/. Штогод па праграме лізінгу ў сельскагаспадарчых арганізацыях абнаўляецца да 4 працэнтаў тэхнікі. Аб гэтым у праекце БЕЛТА "Краіна гаворыць" расказаў намеснік начальніка галоўнага ўпраўлення раслінаводства Мінсельгасхарча - начальнік упраўлення раслінаводства Мінсельгасхарча Іван Каскевіч.
Іван Каскевіч падкрэсліў, што сёння ёсць дзейсны механізм абнаўлення тэхнікі - гэта закупка праз ААТ "Прамагралізінг", які працуе па ўказе Прэзідэнта нумар 146 ад 2 красавіка 2015 года "Аб фінансаванні закупкі сучаснай тэхнікі і абсталявання". Так, у 2023 годзе набыта 9,8 тыс. адзінак.
Іван Каскевіч таксама звярнуў увагу, што беларуская тэхніка запатрабавана і за межамі краіны. Нягледзячы на закрыццё еўрапейскага рынку, наш вытворца ад гэтага не пацярпеў - машыны пастаўляюцца ў многія краіны свету.-0-
