23 красавіка, Мінск /Кар. БЕЛТА/. Міністэрства сельскай гаспадаркі і харчавання ўстанавіла гранічна максімальныя цэны на прадукцыю, якая пастаўляецца для перапрацоўкі (за выключэннем ажыццяўлення грамадскага харчавання). Гэта прадугледжана ведамаснай пастановай нумар 33 ад 14 красавіка 2025 года, якая афіцыйна апублікавана на Нацыянальным прававым інтэрнэт-партале, паведамляе БЕЛТА.
Так, за 1 т каровінага малака (экстра) базіснай тлустасці (без падатку на дабаўленую вартасць) устаноўлены кошт у памеры Br1367, а за свініну ў тушах і паўтушах (першай катэгорыі, у шкуры), за выключэннем парасят-малочнікаў, за 1 т забойнай вагі (без падатку на дабаўленую вартасць) - Br6985. Поўны спіс прадукцыі размешчаны ў дадатку да пастановы.
Згодна з дакументам, гранічныя максімальныя цэны пазначаны на прадукцыю, якая адпавядае вышэйшым тэхнічным патрабаванням, устаноўленым у тэхнічных нарматыўных прававых актах (ДАСТ, СТБ), з улікам надбавак (даплат) за якасныя характарыстыкі. Гранічная максімальная цана на яйкі курыныя харчовыя прыведзена без уліку дадатковых затрат па іх апрацоўцы (мыццё, дэзынфекцыя).
Гэта пастанова ўступае ў сілу праз 10 дзён пасля яе афіцыйнага апублікавання.-0-
