12 сакавіка, Мінск /Кар. БЕЛТА/. XXXII Мінская міжнародная кніжная выстаўка-кірмаш адкрыецца сёння, 12 сакавіка, у сталіцы, у адміністрацыйным комплексе па пр.Пераможцаў, 14, паведамляе БЕЛТА.
Беларусь у 2025 годзе старшынствуе ў органах Еўразійскага эканамічнага саюза, таму на цэнтральным стэндзе будзе прадстаўлена інтэрактыўная калектыўная экспазіцыя дзяржаў - удзельніц ЕАЭС, аб'яднаная агульнай тэмай - 80-годдзе Вялікай Перамогі.
Кожны дзень выстаўкі-кірмашу будзе прысвечаны дзяржаве - удзельніцы ЕАЭС: 12 сакавіка - дзень Рэспублікі Казахстан, 13 сакавіка - дзень Кыргызскай Рэспублікі, 14 сакавіка - дзень Расійскай Федэрацыі, 15 сакавіка - дзень Рэспублікі Беларусь, 16 сакавіка - дзень Рэспублікі Арменія.
Традыцыйна будзе арганізавана работа "міжнароднага" і "адукацыйнага" кварталаў.
Сярод знакавых мерапрыемстваў выстаўкі-кірмашу - міжнародны сімпозіум літаратараў "Пісьменнік і час" з удзелам прадстаўнікоў краін блізкага і далёкага замежжа, цырымонія ўзнагароджання пераможцаў нацыянальнага конкурсу "Мастацтва кнігі".
Увагу наведвальнікаў прыцягне "Кніжны поезд", прыбудзе ён у Мінск 14 сакавіка. Гэта праект Расійскай Федэрацыі, які прывязе пісьменнікаў, літаратараў, публіцыстаў. Яны прадставяць сваю творчасць на пляцоўках як выстаўкі, так і на іншых.
У дні работы выстаўкі, у перыяд часу з 10.00 да 19.00, будзе арганізаваны часовы гарадскі аўтобусны маршрут нумар 935. Аўтобус будзе курсіраваць па маршруце "Ст.м. "Няміга" - выставачны комплекс" з інтэрвалам руху 15-20 мінут.
Адкрыецца выстаўка ўрачыста сёння ў 12.00 і прадоўжыць работу па 16 сакавіка.-0-
Беларусь у 2025 годзе старшынствуе ў органах Еўразійскага эканамічнага саюза, таму на цэнтральным стэндзе будзе прадстаўлена інтэрактыўная калектыўная экспазіцыя дзяржаў - удзельніц ЕАЭС, аб'яднаная агульнай тэмай - 80-годдзе Вялікай Перамогі.
Кожны дзень выстаўкі-кірмашу будзе прысвечаны дзяржаве - удзельніцы ЕАЭС: 12 сакавіка - дзень Рэспублікі Казахстан, 13 сакавіка - дзень Кыргызскай Рэспублікі, 14 сакавіка - дзень Расійскай Федэрацыі, 15 сакавіка - дзень Рэспублікі Беларусь, 16 сакавіка - дзень Рэспублікі Арменія.
Традыцыйна будзе арганізавана работа "міжнароднага" і "адукацыйнага" кварталаў.
Сярод знакавых мерапрыемстваў выстаўкі-кірмашу - міжнародны сімпозіум літаратараў "Пісьменнік і час" з удзелам прадстаўнікоў краін блізкага і далёкага замежжа, цырымонія ўзнагароджання пераможцаў нацыянальнага конкурсу "Мастацтва кнігі".
Увагу наведвальнікаў прыцягне "Кніжны поезд", прыбудзе ён у Мінск 14 сакавіка. Гэта праект Расійскай Федэрацыі, які прывязе пісьменнікаў, літаратараў, публіцыстаў. Яны прадставяць сваю творчасць на пляцоўках як выстаўкі, так і на іншых.
У дні работы выстаўкі, у перыяд часу з 10.00 да 19.00, будзе арганізаваны часовы гарадскі аўтобусны маршрут нумар 935. Аўтобус будзе курсіраваць па маршруце "Ст.м. "Няміга" - выставачны комплекс" з інтэрвалам руху 15-20 мінут.
Адкрыецца выстаўка ўрачыста сёння ў 12.00 і прадоўжыць работу па 16 сакавіка.-0-
