17 красавіка, Мінск /Кар. БЕЛТА/. Сёння ў асобных раёнах рэспублікі чакаюцца навальніцы. МНС папярэдзіла аб фактарах небяспекі, паведамляе БЕЛТА са спасылкай на прэс-службу ведамства.
У ліку фактараў небяспекі - пашкоджанне, абрыў ліній сувязі і электраперадачы, адключэнне электрычных падстанцый, электраэнергіі ў населеных пунктах. Ёсць таксама рызыкі ўзнікнення лясных пажараў, а таксама жылых і вытворчых будынкаў.
Паводле прагнозаў сіноптыкаў, сёння чакаецца пераменная воблачнасць. Раніцай на большай частцы тэрыторыі краіны, днём месцамі па паўночным усходзе пройдуць кароткачасовыя дажджы, у асобных раёнах чакаюцца навальніцы. Вецер паўднёвы 4-9 м/с, пры навальніцах чакаюцца парывы да 14 м/с. Тэмпература паветра днём будзе 19-25 градусаў цяпла, па паўднёвым захадзе і поўдні чакаецца да плюс 28.-0-
