6 жніўня, Мінск /Кар. БЕЛТА/. МНС папярэдзіла аб фактарах небяспекі ў навальніцу, паведамляе БЕЛТА, спасылаючыся на прэс-службу Міністэрства.
Як адзначылі ў ведамстве, сёння ў асобных раёнах краіны чакаюцца навальніцы, у ранішні час месцамі - туман. У сувязі з гэтым узнікае шэраг фактараў небяспекі. Так, у МНС папярэдзілі аб магчымым пашкоджанні (абрыве) ліній сувязі і электраперадач, парушэнні электразабеспячэння, узнікненні прыродных пажараў, а таксама пажараў у жылых і вытворчых будынках.
Таксама, адзначылі ў МНС, ёсць верагоднасць значнага зніжэння бачнасці і ўскладнення руху транспарту аж да яго поўнага спынення, павелічэння ДТЗ.-0-
