9 верасня, Мінск /Кар. БЕЛТА/. Мошчам прападобнай Ефрасінні Маскоўскай 9-10 верасня можна пакланіцца ў Свята-Лісавецінкім жаночым манастыры, паведамляе БЕЛТА са спасылкай на сайт манастыра.
Святыня даступна для пакланення з 9.00 да 21.00 у храме ў гонар абраза Божай Маці "Дзяржаўная". У 9.30 і 16.30 каля мошчаў будзе служыцца акафіст.
У межах епархій Беларускай праваслаўнай царквы святыня прадоўжыць знаходжанне па 13 кастрычніка 2024 года.
Як паведамляецца на афіцыйным партале БПЦ, 11-12 верасня каўчэг будзе знаходзіцца ў Слуцкай, 13-14 верасня - Барысаўскай, 15-17 верасня - Магілёўскай, 18-19 верасня - Бабруйскай, 20-22 верасня - Гомельскай, 23-24 верасня - Тураўскай, 25-26 верасня - Пінскай, 27-29 верасня - Брэсцкай епархіях.
З 30 верасня па 1 кастрычніка мошчы будуць даступны для пакланення ў Свята-Успенскім Жыровіцкім мітрапаліцкім мужчынскім манастыры, 2 кастрычніка - Гродзенскай епархіі, 3-4 кастрычніка - Гродзенскім Раства-Багародзічным мітрапаліцкім жаночым манастыры, 4 кастрычніка - Лідскай епархіі, 5 кастрычніка - Увядзенскім мітрапаліцкім жаночым манастыры ў вёсцы Багушы Смаргонскага раёна Гродзенскай вобласці, 7-8 кастрычніка - Маладзечанскай епархіі, 9 кастрычніка - Полацкай епархіі, 10-11 кастрычніка - Спаса-Ефрасіннеўскім Полацкім мітрапаліцкім жаночым манастыры, 12-13 кастрычніка - Віцебскай епархіі.
Да гэтага мошчы двух вялікіх святых - прападобнай Ефрасінні Палоцкай і прападобнай Ефрасінні Маскоўскай - былі прынесены ў Стрэчанскі стаўрапігіяльны мужчынскі манастыр Масквы да пачатку боскай літургіі, якую адслужыў Свяцейшы Патрыярх Маскоўскі і ўсяе Русі Кірыл.
Мошчы прападобнай Ефрасінні Полацкай некалькі дзён будуць знаходзіцца ў Стрэчанскім манастыры, адкуль іх даставяць у іншыя манастыры і храмы Масквы і іншых гарадоў Расіі.
"Прынясенне мошчаў святых Ефрасінні Полацкай і Ефрасінні Маскоўскай сімвалічна для народаў Расіі і Беларусі, аб'яднаных агульнай гісторыяй, культурай, святынямі і каштоўнасцямі. Прынясенне мошчаў гэтых святых - бачны сімвал адзінства вернікаў Расіі і Беларусі ў рамках адной Памеснай праваслаўнай царквы", - адзначылі ў БПЦ.-0-
