7 чэрвеня, Мінск /Кар. БЕЛТА/. На дапамогі па часовай непрацаздольнасці, цяжарнасці і родах у бягучым годзе запланавана каля Br2,2 млрд, паведаміла журналістам кіраўнік Фонду сацыяльнай абароны насельніцтва Міністэрства працы і сацыяльнай абароны Юлія Берднікава на прэс-канферэнцыі на тэму "Галоўныя змяненні ў разліках бальнічных з 2024 года" ў прэс-цэнтры БЕЛТА.
"У 2022 годзе на выплату ўсіх відаў дапамог з бюджэту фонду было накіравана Br4,4 млрд, што складае амаль 21 працэнт расходнай часткі бюджэту фонду. У структуры гэтых расходаў на дапамогі па часовай непрацаздольнасці і цяжарнасці і родах прыпадае каля 40 працэнтаў, або Br1,8 млрд", - сказала Юлія Берднікава.
Яна ўдакладніла, што з улікам росту зарплаты на 2023 год на выплату гэтых відаў дапамог запланавана каля Br2,2 млрд.-0-
