20 жніўня, Мінск /Кар. БЕЛТА/. Наведваць лес без абмежаванняў і забароны можна толькі ў пяці раёнах Беларусі. Аб гэтым паведамляе БЕЛТА са спасылкай на інтэрактыўную карту Мінлясгаса.
Забарона на наведванне лесу ўведзена ў Баранавіцкім, Бярозаўскім, Ганцавіцкім, Івацэвіцкім, Лунінецкім, Ляхавіцкім і Столінскім раёнах Брэсцкай вобласці, Брагінскім, Веткаўскім, Гомельскім, Добрушскім, Ельскім, Калінкавіцкім, Лельчыцкім, Лоеўскім, Мазырскім, Нараўлянскім, Акцябрскім, Рэчыцкім, Светлагорскім і Хойніцкім раёнах Гомельскай вобласці, а таксама ў Бераставіцкім, Ваўкавыскім, Дзятлаўскім, Зэльвенскім, Карэліцкім, Навагрудскім, Свіслацкім і Слонімскім раёнах Гродзенскай вобласці.
Абмежаванні на наведванне лесу дзейнічаюць амаль на ўсёй тэрыторыі Беларусі. Наведваць лес без абмежаванняў можна толькі ў Камянецкім і Маларыцкім раёнах Брэсцкай вобласці, Верхнядзвінскім раёне Віцебскай вобласці, Гродзенскім раёне Гродзенскай вобласці і Шклоўскім раёне Магілёўскай вобласці.
Інтэрактыўная карта абнаўляецца ў анлайн-рэжыме, таму перад наведваннем лясных масіваў варта азнаёміцца з актуальнай сітуацыяй.-0-
