З надыходам каляндарнай зімы яшчэ больш стала адчувацца набліжэнне Новага года. Дзеці і дарослыя чакаюць цудаў. Такая магчымасць ёсць у мемарыяльным комплексе партызанскай славы "Хаваншчына" ў Івацэвіцкім раёне. Там на ўсю зіму паселіцца партызанскі Дзед Мароз, які пры сустрэчы з ім дорыць незвычайнае адчуванне свята. Урочышча Хаваншчына было сэрцам партызанскага і падпольнага руху Брэстчыны. Там размяшчаліся камандаванне, сямейны лагер, знаходзіліся больш за 300 чалавек. Экскурсія грунтуецца на інтэрактыве, каб наведвальнікі паспрабавалі нейкія рэчы зрабіць самі, адчулі на сабе. Разам з Дзедам Марозам госці з задавальненнем прыбіраюць ёлку, а пасля дзеці і дарослыя водзяць вакол яе карагод.
На здымку: у мемарыяльным комплексе партызанскай славы "Хаваншчына".
