7 мая, Мінск /Кар. БЕЛТА/. Начальнік аддзела па радыёвяшчанні "Альфа Радыё" выдавецкага дома "Беларусь сегодня" Вадзім Шэпет у размове з карэспандэнтам БЕЛТА расказаў, што прапануе радыёслухачам станцыя "Радыё Перамога".
Нагадаем, 2 мая 2023 года "Радыё Перамога" пачало вяшчанне ў інтэрнэце. Незвычайны фармат аказаўся папулярны сярод радыёаматараў, і 25 красавіка гэтага года "Радыё Перамога" стала вяшчаць у FM-дыяпазоне на частаце 96.2.
"На "Радыё Перамога" можна пачуць песні ваенных гадоў, песні аб вайне сучасных беларускіх выканаўцаў і эстрадную беларускую класіку - такія калектывы, як "Песняры", "Сябры" і іншыя, - расказаў Вадзім Шэпет. - Для слухачоў радыёстанцыі гучыць голас Юрыя Левітана. Легендарны дыктар агучвае крокі да Перамогі. Можна паслухаць і вершы аб вайне ў выкананні журналістаў выдавецкага дома "Беларусь сегодня".
На "Радыё Перамога" не толькі гучаць песні ваенных гадоў - слухачам расказваюць гісторыю напісання той ці іншай кампазіцыі. Ёсць і рубрыка з цытатамі, дзе прыводзяцца выказванні аб вайне такіх кіраўнікоў і военачальнікаў, як Іосіф Сталін, Георгій Жукаў, Уінстан Чэрчыль і іншых. "На гэтым этапе асноўнае напаўненне - гэта песні ваенных гадоў і песні аб вайне", - дадаў Вадзім Шэпет.-0-
