24 сакавіка, Мінск /Кар. БЕЛТА/. Вызначаны план прыёму ва ўстановы вышэйшай адукацыі на 2025/26 навучальны год, паведамляе БЕЛТА са спасылкай на Мінадукацыі.
Набор у ВНУ захоўваецца на ўзроўні мінулага года. У 2025 годзе ва ўніверсітэтах краіны гатовы прыняць 48,3 тыс. абітурыентаў. На бюджэтную форму план павялічаны на 400 чалавек у параўнанні з 2024-м. Усяго на бюджэт плануюць прыняць амаль 31,8 тыс. студэнтаў.
Так, сярод іх 3,9 тыс. (12,3 працэнта) - будучыя педагогі, 3,4 тыс. (10,8 працэнта) - медыкі, 2,8 тыс. (8,9 працэнта) - аграрыі, практычна кожны чацвёрты, або больш за 7,5 тыс. (23,6 працэнта), - інжынеры.
Пры гэтым з улікам найбольш запатрабаваных эканомікай спецыяльнасцей, а таксама прывядзення ў адпаведнасць структуры набору ва ўніверсітэты з перспектыўнай патрэбнасцю заказчыкаў кадраў зменшаны заяўкі ВНУ на платную форму навучання.
Цяпер Міністэрствам адукацыі сумесна з зацікаўленымі фарміруецца план прыёму на ўмовах мэтавай падрыхтоўкі. Мэтавыя месцы будуць зацверджаны і размешчаны на сайтах устаноў адукацыі да 1 мая, а па педагагічных спецыяльнасцях - да 1 чэрвеня.-0-
