8 чэрвеня, Мінск /Кар. БЕЛТА/. Прадстаўнікі АДКБ у Брэсце ўзгаднілі задумы сумесных ваенных вучэнняў арганізацыі, інфармавалі БЕЛТА ў Міністэрстве абароны.
Як паведамлялася раней, з 6 па 8 чэрвеня ў Брэсце прадстаўнікі АДКБ абмяркоўвалі арганізацыю і правядзенне сумеснага вучэння з калектыўнымі сіламі аператыўнага рэагавання АДКБ "Узаемадзеянне-2023". Таксама абмяркоўвалася арганізацыя і правядзенне шэрага іншых вучэнняў. У прыватнасці, вучэнняў з сіламі і сродкамі разведкі "Пошук-2023", сумесным фарміраваннем радыяцыйнай, хімічнай, біялагічнай абароны і медыцынскага забеспячэння АДКБ "Бар'ер-2023", сіламі і сродкамі матэрыяльна-тэхнічнага забеспячэння войскаў "Эшалон-2023".
У штабных перагаворах прынялі ўдзел прадстаўнікі зацікаўленых міністэрстваў і ведамстваў краін - удзельніц АДКБ, а таксама Сакратарыята і Аб'яднанага штаба арганізацыі. Бакі ўзгаднілі задумы сумесных вучэнняў, заслухалі інфармацыю Сакратарыята АДКБ аб узгадненні ўдзелу ў вучэннях прадстаўнікоў міжнародных арганізацый і наглядальнікаў.
Акрамя таго, удзельнікі штабных перагавораў правялі рэкагнасцыроўку месцаў правядзення вучэнняў. Былі разгледжаны і ўзгоднены пытанні арганізацыі кіраўніцтва вучэнняў і іх усебаковага забеспячэння. Бакі зацвердзілі склад органаў кіравання і войскаў, якія будуць прыцягнуты да вучэнняў, а таксама парадак розыгрышу практычных дзеянняў.
Па выніках другіх штабных перагавораў кіраўнікі дэлегацый падпісалі адпаведны пратакол.-0-
