Прэзідэнт Беларусі Аляксандр Лукашэнка 21 лістапада падпісаў указ нумар 429, якім уносяцца змяненні ва ўказ нумар 27 ад 18 студзеня 2019 года "Аб аплаце працы работнікаў бюджэтных арганізацый". Дакумент прыняты ў мэтах павышэння заработнай платы такіх работнікаў з улікам выконваемых імі працоўных абавязкаў. Аб гэтым БЕЛТА паведамілі ў прэс-службе кіраўніка дзяржавы.
У адпаведнасці з указам кіраўнікам бюджэтных арганізацый прадастаўлена права па ўзгадненні з прафсаюзам зацвярджаць штатную колькасць работнікаў у меншай колькасці, чым вызначана тыпавымі штатнымі раскладамі і нарматывамі колькасці.
Прадугледжана магчымасць устанаўліваць работнікам бюджэтных арганізацый індывідуальныя даплаты за выкананне дадатковых працоўных абавязкаў (з іх згоды) па аптымізаваных пасадах.-0-
