Дзяржаўных узнагарод за значны ўклад у развіццё аграпрамысловага комплексу і дасягненне высокіх вытворчых паказчыкаў удастоены работнікі сельскагаспадарчай галіны. Адпаведны ўказ нумар 386 Прэзідэнт Беларусі Аляксандр Лукашэнка падпісаў 1 кастрычніка, паведамілі БЕЛТА ў прэс-службе кіраўніка дзяржавы.
Ордэна Працоўнай Славы ўдастоена адкрытае акцыянернае таварыства "Парахонскае". Вадзіцель прадпрыемства "Калінінскі" Добрушскага раёна Аляксандр Старацітараў і трактарыст-машыніст гаспадаркі "Косава" Івацэвіцкага раёна Уладзімір Харунжые ўзнагароджаны ордэнам Пашаны.
У ліку ўзнагароджаных медалём "За працоўныя заслугі" трактарыст-машыніст ААТ "Жураўлінае" Пружанскага раёна Аляксандр Баран, вадзіцель агракамбіната "Холмеч" Рэчыцкага раёна Аляксандр Забіран, трактарыст-машыніст ААТ "Отар" Чачэрскага раёна Міхаіл Мінянкоў, аператар машыннага даення ўнітарнага прадпрыемства "Моладава-Агра" Іванаўскага раёна Валянціна Мокіч, трактарыст-машыніст ААТ "Сцяг Радзімы" Гомельскага раёна Мікалай Чыгарэўскі.
У адпаведнасці з указам дырэктару ААТ "Зорка" Чачэрскага раёна Галіне Трыбунах прысвоена ганаровае званне "Заслужаны работнік сельскай гаспадаркі Рэспублікі Беларусь".
Кіраўнік дзяржавы таксама падпісаў распараджэнне аб аб'яўленні Падзякі Прэзідэнта Беларусі. За значны ўклад у развіццё аграпрамысловага комплексу, дасягненне высокіх вытворчых паказчыкаў гэтай узнагароды ўдастоены калектыў работнікаў сельскагаспадарчага ўнітарнага прадпрыемства "Палессе-Аграінвест" Петрыкаўскага раёна, а таксама сямёра супрацоўнікаў арганізацый сельскай гаспадаркі.
Гэта вядучы інжынер-тэхнолаг Палескага вытворчага ўчастка ААТ "Мілкавіта" Святлана Атрошчанка, трактарыст-машыніст КСУП "Судкова" Хойніцкага раёна Алена Волкава, аператар аўтамата па вытворчасці вараных каўбас мясаперапрацоўчага цэха Жлобінскага мясакамбіната Раіса Дзегцярова, аператар машыннага даення ААТ "Шлях Ільіча" Лельчыцкага раёна Святлана Жогла, галоўны заатэхнік-селекцыянер ААТ "Ціхінічы" Рагачоўскага раёна Тамара Каравіцкая, галоўны заатэхнік СВК "50 год Кастрычніка" Рэчыцкага раёна Ніна Пішчык, вадзіцель грузавога аўтамабіля ААТ "Імя Жукава" Брагінскага раёна Уладзімір Шахніцкі.-0-
