18 ліпеня, Мінск /Кар. БЕЛТА/. Ратавальнікі далі рэкамендацыі пры моцных ліўнях. Аб гэтым БЕЛТА паведамілі ў МНС.
"Калі моцны дождж заспеў вас на вуліцы, не спускайцеся ў падземныя пераходы і іншыя заглыбленыя памяшканні. Паспрабуйце ўкрыцца ў будынках, размешчаных вышэй за магчымы ўзровень падтаплення. Калі будынак (памяшканне), у якім вы знаходзіцеся, падтапляе, пастарайцеся пакінуць яго і перайсці на бліжэйшае ўзвышша. Калі пакінуць будынак не ўяўляецца магчымым, то падніміцеся на вышэйразмешчаныя паверхі, выключыце электрычнасць і газ, шчыльна зачыніце вокны, дзверы і паведаміце пра сваё месцазнаходжанне ў дзяжурную службу МНС па тэл. 101", - рэкамендуюць у МНС.
Вадзіцелям рэкамендуецца загадзя перапаркаваць аўтамабілі з нізінных месцаў і не пакідаць аўтамабілі на стаянках у месцах, дзе часта адбываюцца падтапленні.
Калі моцны дождж заспеў аўтааматараў у асабістым транспарце, рэкамендуецца не спрабаваць пераадолець падтопленыя ўчасткі. Неабходна павольна перастроіцца ў крайні правы рад (на абочыну) і без экстраннага тармажэння спыніць рух. Варта ўключыць аварыйныя агні і перачакаць лівень. У выпадку імклівага прыбыцця вады неабходна пакінуць транспартны сродак і прайсці на ўзвышаны ўчастак мясцовасці або ў бліжэйшы будынак.-0-
