29 ліпеня, Мінск /Кар. БЕЛТА/. Ратавальнікі папярэджваюць аб рызыках з-за моцных дажджоў 29 ліпеня, паведамляе БЕЛТА са спасылкай на МНС.
Так, паводле даных Белгідрамета, чакаюцца складаныя ўмовы надвор'я: у многіх раёнах краіны магчыма ўзмацненне заходняга, паўночна-заходняга ветру парывамі 15-22 м/с, месцамі - да 25-27 м/с, таксама прагназуюцца моцныя дажджы.
У сувязі з гэтым у МНС папярэджваюць аб такіх фактарах небяспекі, як пашкоджанне ліній сувязі і электраперадачы, адключэнне электрычных падстанцый, электраэнергіі ў населеных пунктах, пашкоджанне або абрушэнне слаба ўмацаваных канструкцый, дахаў будынкаў, збудаванняў, падзенне дрэў.
На дарогах з-за непагоды значна знізіцца бачнасць, не выключана ўскладненне руху транспарту. Таксама пры моцных ліўнях магчыма падтапленне асобных дамоў, гаспадарчых пабудоў, сельгасугоддзяў, аўтадарог мясцовага значэння.-0-
