17 ліпеня, Мінск /Кар. БЕЛТА/. Ратавальнікі папярэджваюць аб неспрыяльных гідраметэаралагічных з'явах і фактарах рызыкі пры навальніцах і ліўнях, паведамляе БЕЛТА са спасылкай на МНС.
Паводле даных Белгідрамета, на большай частцы тэрыторыі чакаюцца навальніцы, месцамі - моцныя ліўні. Магчыма шквалістае ўзмацненне ветру парывамі 15-20 м/с.
Пры гэтым магчымы такія фактары небяспекі, як пашкоджанне або абрыў ліній сувязі і электраперадачы, адключэнне электрычных падстанцый, электраэнергіі ў населеных пунктах, узнікненне прыродных пажараў, а таксама пажараў у жылых і вытворчых будынках.
"На дарогах можа значна зніжацца бачнасць і ўскладняцца рух транспарту аж да яго поўнага спынення. Не выключаны і такія фактары рызыкі, як павелічэнне ДТЗ, падтапленне асобных дамоў, гаспадарчых пабудоў, агародаў, сельгасугоддзяў, аўтадарог мясцовага значэння", - пералічылі ў ведамстве, рэкамендуючы насельніцтву максімальна прытрымлівацца правіл бяспекі, быць акуратнымі і пільнымі.-0-
