29 ліпеня, Мінск /Кар. БЕЛТА/. Рыхтуюцца змяненні ў закон "Аб зваротах грамадзян і юрыдычных асоб", паведаміў журналістам старшыня Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў Мікалай Бузін, перадае карэспандэнт БЕЛТА.
"Заканатворчасць - пастаянны працэс, які ніколі не спыняецца. Мы сёння плануем сваю дзейнасць на 2026 год, - расказаў Мікалай Бузін. - Што датычыцца Пастаяннай камісіі па правах чалавека, нацыянальных адносінах і сродках масавай інфармацыі, чакаецца шэраг задач, якія неабходна вырашыць якасна і ў інтарэсах нашых грамадзян. У першую чаргу, гэта перафармаціраванне або дапрацоўка закона "Аб зваротах грамадзян і юрыдычных асоб". На гэту тэму паступае шмат зваротаў грамадзян. Ёсць пісьмы ў Палату, ёсць прамыя звароты да дэпутатаў. Мы, працуючы ў акругах, бачым, што гэта тэма цікавіць нашых грамадзян і гэты напрамак знаходзіцца ў нашай сферы дзейнасці. Адпаведна, мы рыхтуемся да дапрацоўкі гэтага заканадаўства".-0-
